دونیا آنادیلی گونو عرفه سینده بیر قروپ میلی فعالین سسله نیشی
آذربایجان میلی حرکتی گونو گوندن داها آرتیق میلتین موختلیف قاتلارینا گیرمکده دیر. گئچن ایللرده شوونیست فارس حکومتی نین باسقی و سیخینتیلارینا گؤره میلی حرکتین گئنیش و دوزنلی اینفورماسییا و ایله تیشیم ایمکانلاری اولمامیشدیر. بونونلا بئله آذربایجانین ایگید و دوشونجه لی میلتچی اوغول و قیزلاری همیشه درین مسئولیت حیسی ایله بؤیوک ایشلر گؤرموشلر. گئچن ایگیرمی ایلین ایچینده ان آز ایمکانلار ایله تورک آذربایجانین اویانیشی اوغروندا یوز ایللیک ایش گؤرولدویونو ادعا ائتسک بئله یانیلمامیشیق.
بؤیوک میلتیمیزین اؤز میلی حاقلارینین الده اولونماسی اوغروندا یاراتدیغی حرکت طبیعی کی دوشمنلریمیزی راحاتسیز ائتمیشدیر. فارس ایران حاکمیتی تورک آذربایجانی داها آرتیق کؤله لیکده ساخلاماق اوچون الیندن گلنی اسیرگه مه میشدیر. میلی فعاللارین توتوقلانیب زیندانلارا سالینماسی، میلی مراسیملرین قورولماسینین قارشیسی آلینماسی، قزئتلر و گوندلیکلرین باغلانماسی و ... بونلاردان عیبارتدیر. فارس ایران حکومتی وحشی جه سینه تماماً مدنی اولان بابک قالاسینین ایللیک مراسیملرینین قارشیسینی آلماقلا میلی حرکتیمیزی یاریمچیق قویماق ایسته ییردی. آمما اونون دوشوندوکلری سهو ایدی. میلی حرکتین ساوی – سؤزو شهر- شهر، کند – کند، اویماق – اویماق دولاشیب هر یئره نفوذ ائتمیشدی. 85-جی ایلین خوردادیندا آذربایجان تورکونون 30 شهرده آیاغا قالخماسی آذربایجان تورکونون اؤز میلی کیملیگینه دؤنوشونو ایثبات ائتدی. بوندان سونرا آذربایجان میلتینه باسقیلار قات قات آرتسا دا آذربایجان میلی حرکتی دایانمادان اؤز تاریخی یولونا دوام ائتدی. تبریزین تیراختور فوتبال تیمی نین مئیدانا گلمه سی آذربایجان میلی حرکتینه داها آرتیق سورعت وئردی.
هامیمیزین بیلدیگی کیمی بوگون تیراختور فوتبال تیمی یالنیز بیر ایدمان تیمی دئییل. یوز مینلرله تورک تیراختورون اویونلاریندا ایستادیوملارا توپلاشاراق تورکچو و آذربایجانچی شوعارلار سسله یرک مظلوم میلتیمیزین تاپدالانمیش حاقلارینی باغیریرلار. بو اوزدن تیراختور فوتبال تیمی هامینین اعتیرافینا گؤره آرتیق بؤیوک تبریزین دئییل، بلکه اولو تورک و آذربایجانا عاییددیر. تیراختورون اویونلاریندا ایستادیوملارا توپلاشان مینلرله اینسانین آماجی یالنیز فوتبال یاریشماسی اوچون یوخ اصلینده تورک آذربایجانین حاقلی ایستکلرینی باغیرماقدیر. بوراسی آذربایجان میلی حرکتینین یئنی سیاسی و میلی مکتبیدیر. مین مین یئنی یئتمه و گنجیمیز ایستادیوملاردا آذربایجانین ایستکلری، آمالی، شوعارلاری و میلی سیمگه لری ایله تانیش اولور. بو ایسه یئنی و مودرن موباریزه مئتودودور.
آذربایجان میلی حرکتی فعاللاری تیراختورون اویونلارینا فعال شکیلده قاتیلیب تماماً میلی شوعارلار باغیرماقلا میلی حرکتین ایستکلرینی آپ آیدین گؤسترمیش اولورلار. "یاشاسین آذربایجان"، "تورک دیلینده مدرسه، اولمالیدیر هر کسه"، "آذربایجان دییاریمیز، تیراختور ایفتیخاریمیز"، و ... اونلارجا شوعاردان بیر بؤلومودور. مینلرجه تورک "نه ساغچی ییق نه سولچو، میلتچی ییک، میلتچی"، شوعارینی سسلمکله آذربایجان میلی حرکتینین ایران آدلانان اؤلکه نین حاکمیتی نین ساغ و سول قاتلاریندان موستقیل اولدوغونو دئییرلر. "افغانیستان سیزیندیر، آذربایجان بیزیمدیر"، شوعاری دا آذربایجانین ایران و فارس کیملگیندن اوزاقلاشیب عینی حالدا میلتیمیزین آیریلمیش حیصه سینه اوز چئورمه سینی بیان ائتمکده دیر. "تبریز، باکی، آنکارا، فارسلار هارا بیز هارا" شوعاری فارس – تورک کیملیکلرینین بیر بیریندن آیری اولدوغونو آچیقلاماقدادیر. "او تای، بو تای بیر اولسون، مرکزی تبریز اولسون"، آذربایجان میلی حرکتی نین خود موختارچی، فدرالچی ماهیتلی اولدوغونو رد ائدرک، تماماً ایستیقلالچی و بوتؤوچو سیاسی و میلی حرکت اولدوغونو گؤسترمکده دیر.
21 فوریه (2 ایسفند) دونیا آنادیلی گونو قارشیدادیر. بو موناسیبتله باغلی گئچن ایللرده میلی فعاللار فارس حکومتینین باسقیلارینا رغماً موختلیف یئرلرده مراسیملر کئچیریب و قئید ائدیبلر. بو ایل دونیا آنادیلی گونونو، 30 بهمن – ده کرج شهرینده تیراختور و سایپا فوتبال یاریشماسیندا داها آرتیق آکتیو اولوب و دوزنلی میلی شوعارلاریمیزی سسلمکله یئرلی اولاراق قوتلایا بیلریک. بو آماجلا بیز بیر قروپ آذربایجان میلی چالیشقانی اولاراق بوتون میلی فعاللاری 30 بهمن ده تیراختور و سایپا اویونوندا فعال ایشتیراک ائتمه یه چاغیریریق.
بیر قروپ آذربایجان میلی فعالی
25/11/88
آذربایجان میلی حرکتی گونو گوندن داها آرتیق میلتین موختلیف قاتلارینا گیرمکده دیر. گئچن ایللرده شوونیست فارس حکومتی نین باسقی و سیخینتیلارینا گؤره میلی حرکتین گئنیش و دوزنلی اینفورماسییا و ایله تیشیم ایمکانلاری اولمامیشدیر. بونونلا بئله آذربایجانین ایگید و دوشونجه لی میلتچی اوغول و قیزلاری همیشه درین مسئولیت حیسی ایله بؤیوک ایشلر گؤرموشلر. گئچن ایگیرمی ایلین ایچینده ان آز ایمکانلار ایله تورک آذربایجانین اویانیشی اوغروندا یوز ایللیک ایش گؤرولدویونو ادعا ائتسک بئله یانیلمامیشیق.
بؤیوک میلتیمیزین اؤز میلی حاقلارینین الده اولونماسی اوغروندا یاراتدیغی حرکت طبیعی کی دوشمنلریمیزی راحاتسیز ائتمیشدیر. فارس ایران حاکمیتی تورک آذربایجانی داها آرتیق کؤله لیکده ساخلاماق اوچون الیندن گلنی اسیرگه مه میشدیر. میلی فعاللارین توتوقلانیب زیندانلارا سالینماسی، میلی مراسیملرین قورولماسینین قارشیسی آلینماسی، قزئتلر و گوندلیکلرین باغلانماسی و ... بونلاردان عیبارتدیر. فارس ایران حکومتی وحشی جه سینه تماماً مدنی اولان بابک قالاسینین ایللیک مراسیملرینین قارشیسینی آلماقلا میلی حرکتیمیزی یاریمچیق قویماق ایسته ییردی. آمما اونون دوشوندوکلری سهو ایدی. میلی حرکتین ساوی – سؤزو شهر- شهر، کند – کند، اویماق – اویماق دولاشیب هر یئره نفوذ ائتمیشدی. 85-جی ایلین خوردادیندا آذربایجان تورکونون 30 شهرده آیاغا قالخماسی آذربایجان تورکونون اؤز میلی کیملیگینه دؤنوشونو ایثبات ائتدی. بوندان سونرا آذربایجان میلتینه باسقیلار قات قات آرتسا دا آذربایجان میلی حرکتی دایانمادان اؤز تاریخی یولونا دوام ائتدی. تبریزین تیراختور فوتبال تیمی نین مئیدانا گلمه سی آذربایجان میلی حرکتینه داها آرتیق سورعت وئردی.
هامیمیزین بیلدیگی کیمی بوگون تیراختور فوتبال تیمی یالنیز بیر ایدمان تیمی دئییل. یوز مینلرله تورک تیراختورون اویونلاریندا ایستادیوملارا توپلاشاراق تورکچو و آذربایجانچی شوعارلار سسله یرک مظلوم میلتیمیزین تاپدالانمیش حاقلارینی باغیریرلار. بو اوزدن تیراختور فوتبال تیمی هامینین اعتیرافینا گؤره آرتیق بؤیوک تبریزین دئییل، بلکه اولو تورک و آذربایجانا عاییددیر. تیراختورون اویونلاریندا ایستادیوملارا توپلاشان مینلرله اینسانین آماجی یالنیز فوتبال یاریشماسی اوچون یوخ اصلینده تورک آذربایجانین حاقلی ایستکلرینی باغیرماقدیر. بوراسی آذربایجان میلی حرکتینین یئنی سیاسی و میلی مکتبیدیر. مین مین یئنی یئتمه و گنجیمیز ایستادیوملاردا آذربایجانین ایستکلری، آمالی، شوعارلاری و میلی سیمگه لری ایله تانیش اولور. بو ایسه یئنی و مودرن موباریزه مئتودودور.
آذربایجان میلی حرکتی فعاللاری تیراختورون اویونلارینا فعال شکیلده قاتیلیب تماماً میلی شوعارلار باغیرماقلا میلی حرکتین ایستکلرینی آپ آیدین گؤسترمیش اولورلار. "یاشاسین آذربایجان"، "تورک دیلینده مدرسه، اولمالیدیر هر کسه"، "آذربایجان دییاریمیز، تیراختور ایفتیخاریمیز"، و ... اونلارجا شوعاردان بیر بؤلومودور. مینلرجه تورک "نه ساغچی ییق نه سولچو، میلتچی ییک، میلتچی"، شوعارینی سسلمکله آذربایجان میلی حرکتینین ایران آدلانان اؤلکه نین حاکمیتی نین ساغ و سول قاتلاریندان موستقیل اولدوغونو دئییرلر. "افغانیستان سیزیندیر، آذربایجان بیزیمدیر"، شوعاری دا آذربایجانین ایران و فارس کیملگیندن اوزاقلاشیب عینی حالدا میلتیمیزین آیریلمیش حیصه سینه اوز چئورمه سینی بیان ائتمکده دیر. "تبریز، باکی، آنکارا، فارسلار هارا بیز هارا" شوعاری فارس – تورک کیملیکلرینین بیر بیریندن آیری اولدوغونو آچیقلاماقدادیر. "او تای، بو تای بیر اولسون، مرکزی تبریز اولسون"، آذربایجان میلی حرکتی نین خود موختارچی، فدرالچی ماهیتلی اولدوغونو رد ائدرک، تماماً ایستیقلالچی و بوتؤوچو سیاسی و میلی حرکت اولدوغونو گؤسترمکده دیر.
21 فوریه (2 ایسفند) دونیا آنادیلی گونو قارشیدادیر. بو موناسیبتله باغلی گئچن ایللرده میلی فعاللار فارس حکومتینین باسقیلارینا رغماً موختلیف یئرلرده مراسیملر کئچیریب و قئید ائدیبلر. بو ایل دونیا آنادیلی گونونو، 30 بهمن – ده کرج شهرینده تیراختور و سایپا فوتبال یاریشماسیندا داها آرتیق آکتیو اولوب و دوزنلی میلی شوعارلاریمیزی سسلمکله یئرلی اولاراق قوتلایا بیلریک. بو آماجلا بیز بیر قروپ آذربایجان میلی چالیشقانی اولاراق بوتون میلی فعاللاری 30 بهمن ده تیراختور و سایپا اویونوندا فعال ایشتیراک ائتمه یه چاغیریریق.
بیر قروپ آذربایجان میلی فعالی
25/11/88
