ساراوسسی: بو گونلرده هئچ شوبهه سيز آذربايجانين ان باشاريلي کوتلوي اينتئرنئت سيته سی www.tractorfans.com دور . بو حاقدا شوبهه سي اولان سويداشلارين سيته يه باش چکمکلري ريجا اولونور. بو، سيته نين ايشي فوتبول رئکلاميدير. ديلي، هله ليک فارسجا اولسا دا، ايچينده گئت-گئده آرتان تئمپولو تورکجه نين اسکي و لاتين آلفابئتلي يازيلاريني دا گؤرمک مومکوندور.
گونده ليک ستاتيستيکلره گؤره، هر گون بو سيته دن ۱۰،۰۰۰-لرجه وطنداش گؤروش ائدير و آنلاين (online) اولاراق ۱۰۰-لرجه چاتلاشير. بوتون قيرميزييا بويانميش بو سيته نين ساغ الينده بير چوخ زامان بو سلوغان فلاش اولاراق گؤزه چارپير ” آذربايجان درد ايچينده بوغولموش! ” آذربايجان ادبياتييلا تانيش اولان هرکس بو سؤزون، سورگون شاعيريميز آلماز ايلديريما آيد اولدوغونو بيلر. سيته يالنيز ايدمانلا اوغراشديغينا گؤره، سيياستله ايشي يوخدور. ساده سؤزله دئسک بو سيته ني يؤنلدنلرين هئچ بيري سيياسال اويونچولوق سرگيسيله اوغراشماييرلار.
اونلارين تکجه آماجي آذربايجان وارليغي نين اينسان توپلومونداکي اولوسال يئريني يوکسلتمکدير. بو سيته نين هم ده، يؤنلنديريجي رولو واردير. بئله کي، تراختور (Tractor) فوتبول تاخيمي نين فاناتيکلري نين وئرديگي شوعاعرلاري دوغرو يؤنتمه يؤنتمک، اونلارين گئييملريني تاخيم حالينه گتيرمک و بيرگلشميش اولوسال داورانيش آخلاغي نين کيمليگيني اولوسوموزا قازانديرماقدير. بو دوغرو توتومون ان آيدين گؤرونتوسونو فوتبول آلئنالاريندا گؤروروک. ايستر تبريز، ايستر باشقا شهرلرده قيرميزي گئييملي فوتبول فاناتلاري نين ” ياشاسين آذربايجان ” يازيلي بايراقلاري نين بير ايلک اولاراق گؤرونتوسو بو ايديعانين ان دانيلماز تانيغيدير. دئمک تراختور فاناتلاري نين اورتايا قويدوغو بير ميللي سيمگه هر گون گئچديکجه آيدينليق قازانير. بو سيمگه نين سيياسال چارپيشماسي يوخدور. بو سيمگه آذربايجانين ميللي اؤرگوتلري طرفيندن اورتايا قويولماديغينا گؤره، منيمسمه داعواسيني آرادان قالديريلير و اونا اولوسال منيمسمه بيچيمي يارادير. بو سيمگه بير ياندان ايسه، بو قوروملارين ميللي اؤلچولريني اورتايا قويان بير سيناق آپاراتي کيمي عمل ائدير.
بئله کي، هانسي قوروم ميلتين سئچنگينه باش اَيير و هانسي قوروم کوتله نين سئچنگينه خور باخير گرچگي ده آز بير زاماندا اؤزونو گؤسترير. بو سيمگه نين يالنيز و يالنيز کوتله ميزه آيد اولدوغونو کيمسه دانا بيلمز. دانانلار چوخ تئز بير آندا ميللي گئييميني اَيينلريندن چيخارماغا محکوم اولماليديرلار. آيريجا، بو، آذربايجان کوتله سي نين اونون اوزرينده ايديعالي اولان ميللي اؤرگوتلره وئرديگي قاچيريلماز بير اميردير. بو سيمگه اؤزونو سئومه يه باشلايان، کيمليگيني آکادئميکسل دئييل، کوتله بيلينجسلليگينده آختارميش اولان ساده، اينانجلي، کؤنوللو، هئچ بير سيياسال گوجه مال اولمايان، دوشمن جبهه سيني ياران دؤزوملو بير خالقين ايراده سيندن دوغان بايراقدير.
کاتالان (Catalonia) ايسپانيانين گوزئي دوغوسونو اولوشدوران بنزر اؤرنکدير. بو بؤلگه تاريخ بويو ايسپانلارين دومينانتليغيندا ياشايان ۸ ميليونلوق بير توپلومدور. زامان-زامان اؤزگورلوک و باغيمسيزليق ديره نيشينده اولان، اؤزوملو کاتالان ميلتي گوتلوي سورگونلره ده معروض قالميشدير. بو اوزدن آوروپادا يئرلشمه سينه رغمن توپلومون ان آزيندان ۱۰%-اي فرانسا، آرگئنتين، کوبا، مئکزيک، آمئريکا، آلمانيا، ايتاليا وب. اؤلکه لره سپلنميشدير. بارسئلونا (Barcelona) ايسپانييا کلونوسوندا اولان بو بؤلگه نين مرکزيدير.
بارسئلونانين فوتبول تاکيمي ۱۸۹۰-اونجو ايللرده تمل آتميش بير ايدمان کلوبودور. بو کلوبون ايلک باشدان قيرميزيلي-ساريلي بايراغي اولموشدور. لاکين کاتالانين آوتونومي بؤلگه اولماسيندان اوزوبري بير نئچه بايراغي اولموشدور. بو بؤلگه، ايسپانييادان آيريليب موستقيل بير اؤلکه اولماق يولوندا دئموکراتيک يؤنتم آلسا دا، مرکز حاکيميتين سرت قارشي دورماسييلا اوز-اوزدير. مرکز دؤولتين پروپاکانتالاريني ائتگيسيز ائتمک اوچون کاتالان يئرلي حاکيميتي نين ان بؤيوک و سارسيلماز ديره نيش مئيداني باسئلونا ماچلاريدير. ماراقلي بوراسيدير کي، کاتالان يئرلي حاکيميتي، ان سون تيتيز بير داورانيشلا اؤز ميللي بايراغيني لغو ائده رک بارسئلونانين بايراغيني بؤلگه سيمگه سي ائلان ائدير. و بئله ليکله، يئرلي حاکيميتله، ميلت آراسيندا اولان ايکيلي بايراق سورونونا سون وئره رک ايستيقلال اوغروندا بؤيوک و چوخ اينجه بير اوغورا ال تاپير. يني، هر بير کاتالان بارسئلونا فوتبول تاکيمي نين فاناتي و هر بير فوتبول فاناتي، اؤز يوردونون فاناتيدير! دئمک، بارسئلونا تاکيمي نين مئيدانلاردا دالغالانان بايراغي بير اولوسون گله جگه آچيلان پنجره سي نين اؤزگورلوک اوداغينا چئوريلميشدير. قيرميزي و ساريدان اولوشان بو بايراغين اوزرينده دئموکراسيا و بارسئلونا سؤزلري يازيلاراق بؤلگه کيمليگيني سرگيله ين بير اولوسال سيمگه اورتايا قويولموش و بير ميللي-سياسي سورجين آناتوموسونو چوخ نئت بير شکيلده آنلاتميشدير.
آذربايجانين تراختورو ايله کاتالانين بارسئلونا فوتبول تاخيملاريني دوشونرکن اورتاق نؤقته لرين نه قدر چوخ اولدوغون گؤز اؤنونه تاخيلير. بؤيوک نسيمي نين ” منده سيغار ايکي جاهان، من بو جاهانا سيغمازام! ” فلسفي روحونو بيراز يوموشادارکن قونوموزو اؤزللشديرمه يه چاليشيرام. تراختور تاکيمي نين فاناتليک سيرالاريندا، عرب کؤکنلي تئکنيک ديرئکتورونون دئديگينه گؤره، ۳۰،۰۰۰،۰۰۰ تورک دايانماقدادير. بو رقمين ايلديريم حيزييلا آرتماسي و داها بؤيوک رقملره اولاشماسي گون کيمي آيديندير. بو، او دئمکدير کي، بو تاخيم ميلت روحونا وارميشدير. بير چوخ حاللاردا گئجه چؤرگينه مؤحتاج اولان تبريزلي، اردبيللي، اورمولو وب. قيرميزي گئييملي و قيرميزي بايراقلي گنجليگيميزين مينلر کيلومئتره وطندن اوزاقلاردا (ايصفهان، اهواز ..) قوجاقلاشماسي نين درينليگينه گئتديکده بو فلسفي آنلامين دا سوموت اولان اوزونو گؤرمک مومکون اولور.
بارسئلونا کاتالانين بيرليک روحودورسا، ندن تراختور آذربايجانين بيرليک روحونا چئوريلمه سين! باشقا بير گرچگي دئديکلريمه علاوه ائديرم: تئهرانين آزادي فوتبول آلئناسيندا آذربايجانين و تورکون ياشاديغي بير چوخ بؤلگه لردن توپلانان ۳۰-مينليک تورک وطنداشين بوزقورد سالاملاشماسي دونيانين بير چوخ نئت سيته لرينده گؤرونتوله نير. تورکچولوگو ايچينده بارينديران بير ميلت اولوشماسي بو دفعه فوتبول آلئناسيندا گؤستريش ياپير. بئله ديرسه، کيم بو گؤستري نين آذربايجان ميللي هرکاتيندان سويوت (ايري-موجررد) اولماسيني، بايبک هرکاتي نين، خورداد آياقلانماسي نين آردي اولماديغيني و يالنيز بير فوتبول ماجراسي اولدوغونو ايره لي سوره بيلر؟ بو، آنا وطن، آذربايجاندان پؤهرنميش بير گونش ايشيغيدير. سياسيلر، يا بو ايشيغا باغلانار ويا دوکان-بازارلاري باغلانار. باشقا يول يوخدور!
بايبک قورولتايلاري نين قارشيسيني ايشغالچي اوردوسويلا کسن فارسچي رئژيمينه آلتيرناتيو اولاراق ميللي-سياسي چاليشقانلارين آرزوسوندا ” آرتيق داغدان شهره اوز توتماق زامانيدير! ” ايستگي نهنگ بير التاپمازا چئوريلميشدير. خورداد هرکاتي بو آرزونون پاتلاماسي نؤقته سينه چئوريلسه ده، ميللي هرکاتين اؤرگوتلنمه ظرفيتيني ده اورتايا قويدو. خورداد هرکاتي رئژيم ساريندان وحشيجه سينه قارشيليقليق گؤردو. اونا سيياسال دون گئيينديرن رئژيمين الينه باهانا دوشدو. آنجاق، ميلتين روحو هئچ ده، تورک دوشمني نين عاغيلينا قولايجا سيغمايان تراختور قيرميزيسيندان پؤهرندي. رئژيم، آذربايجانين ياشيلا بورونمه سيني گؤزلرکن.
آذربايجان، رئژيمين هر ايکي قاناديني خيال قيريقليغينا اوغراتدي. آذربايجان قيرميزي سئچدي! بوگون، آذربايجانين ان سئوديگي بويا قيرميزيدير. بو، اؤزل بير قيرميزيدير. بؤيوک حرفلرله يازيلان بير قيرميزيدير. بو قيرميزي بعضيلريني سئوينديرمه سين. وطنين سئوگيسيني قازانميش بو قيرميزي وطنه آيد اولان بيرليک، چاغداشليق و ديريليک سيمگه سيدير. عئينيله ۱۲۰۰-ايل بوندان اؤنجه عرب ايمپئراتورلوغونا قارشي اؤزگورلوک دليسي اولان قيرميزي بايبه کي لر کيمي، بوگونون ده، تورلو اؤزگه ليکلره سينگرن ” آذربايجان تورک ميلتي نين ” بوياسي قيرميزيدير. آيريجا، بو سئچيم ميللي-سياسي اؤرگوتلريميزين ايچينده کي بايراق دارتيشماسينا دا سون قويان بير گرکسيمدير. عئينيله کاتالاندا اولان سياسي ياريشمالاري اؤز ايچينده يوغوران بارسئلونا بايراغي کيمي تراختور بايراغي دا، ايديعالي بايراقلاري ميلت بيرليگي خئيرينه آنا بايراق دؤردگئنينده بير آرايا توپلاماق گوجونه صاحيبدير.
سؤزسوز کي، آنا بايراق هوکمونده قبول اولان تراختور بايراغي، ميللي اؤرگوتلريميزين سئچديکلري بايراقلارين آرادان قالديرماسي آنلامينا گلممه ليدير. هر اؤرگوت اؤز بايراغييلا چيخيش ائتمک حاقينا ماليکدير. آنجاق، بونو دا باشا دوشمک گره کير کي، توپلومو بيرليگه گؤتورن بوگونون فوتبول، ياري نين ايسه آنا بايراغي بوتون بايراقلاري اؤز اطرافيندا بيرلشديرمه ليدير.
بعضي آوروپا فاسونلارا گؤره، گويا گونئيده ميليونلار اينسانين سيويمليسي اولان قيرميزي بويا، کوممونيزيم سيمگه سيدير. بو سويداشلاريميزين ايديالارينا گؤره، قيرميزي بويا آذربايجان ميللي هرکاتينا آيد اولاماز! بو دوستلارا دئمک گره کي ر کي، گلين، کيچيک قاپساملي باتاقليقلاردا بوغولماياق. گلين، اؤز ماليميزي اؤزگلشديرمه يهک. بايبک بابانيزين قيرميزي گئييملي و قيرميزي بايراقلي اوردوسونون کوممونيزميله نه ايشي اولا بيلردي؟ ويا ۱۵-جي يوزيلليکده ايستانبولون م. فاتيح ساريندان آزاد اولماسييلا قيرميزي بايراغين دالغالانماسيني نئجه کوممونيزمه باغلاماق مومکوندور؟ بو دوستلارا دئمک گره کي ر کي، بللي بير قوروما فاناتليقدانسا ميلته فاناتيک اولماق لازيمدير.
ميلتيميزين سئچيمي نين دوغرو اولدوغونون باشقا يؤنتميني، هم ده آذربايجان ميللي هرکاتي نين آيدينليق جيزگيسي نين بيليميوردلاردان کوتله درينليگينه دوغرو يؤنتم آلماسيدير. ساده آنلاملا دئسک، اوزرلرينده ” ياشاسين آذربايجان ” ، ” ياشاسين تراختور ” سلوغانلاريلا يان-يانا دوزولموش قيرميزي بايراقلارين آنلاميني آيدينليقلا (ياشاسين آذربايجانلا)، کوتله نين (ياشاسين تراختورون) هارمونيک بيرگلشمه سينده گؤرمک گره کي ر. بو دا، او دئمکدير کي، اينديينه دهک چئشيدلي اؤرگوتلرين سوندوقلاري بايراقلار چاتيندا بيرگلشه بيلمه يهن آذربايجان آيدينييلا، آذربايجان کوتله سي قيرميزي بايراق آلتيندا بيرلشمه يه ساري يورومکده دير. سؤزسوز کي، بو سورج آذربايجان ميللي هرکاتي اوچون بير دؤنوش نؤقته سيدير. چوخ ماراقليدير کي، بعضيلرينه گؤره، آذربايجانين قيرميزي سئچيمي مرکزچي ياشيل هرکاتينا قارشي اورتايا آتيلميش بير سيياسال داورانيشدير. بو، اولدوقجا بوش و کئيفيتسيز بير تسبيتدير. بو سئچيمين ياشيللارلا هئچ ايلگيسي يوخدور.
آذربايجان ميللي هرکاتي نين بؤيوک آماجلارييلا ياشيللارين سيياسال حدفلريني عئينيلشديرمک کيملر وريندن اولورسا-اولسون درين جاهيلليگين آيدين اؤرنگيدير. کيمسه، فارسلارين ايچينده دئموکراتييا ساواشي نين ضيدينه دئييلدير. تورک ميلتي بوتون تاريخ بويو اؤزونه اؤزل دئموکراتييا ياشاتان بير وارليق اولموش و اؤزو ده بو يؤنتمين ان آغير قوربانيسي اولموشدور. ۱۰۰-ايلليک تاريخين شهادتينه گؤره، ايران آدلانان دؤولتين قورولماسيندا، قورونماسيندا و تورک دؤولتچيليگيني فارسلارا آغا پايي کيمي حدييه وئرمه سينده ان بؤيوک سوچلو تورکلر اؤزلري اولموشدور. بوگون، بابالاريميزدان نسيليميزه پاي قالان بو آجي نين سونلانماسيني ايسته ين بير بؤيوک آياقلانما اورتادادير. سؤزسوز کي، ميللي سورونو باشقا سوسيال-سيياسال ايدئولوژيلر دؤردگئنينده آختارانلار اوچون اولوسال آياقلانمانين آنلامي بيراز ايدراکسيز اولا بيلر. آنجاق بورادا سؤز قونوسو چوخ درينلردن گئتمير.
سادجه بير ميلتين اؤلوم-ديريم ساواشي سؤز قونوسودور. بونو آنلاماغا نه وار کي! آذربايجان تورک ميلتينين ايراده سي شيچي-فارسچي رئژيمين ايچ داعواسيندان يانا دئييلدير. اؤز ظولمه اوغراميش ميلتي نين لايک، چاغداش، موستقيل و اؤزگورلشميش ميللي اينانجيني فارسچي رئژيمين ايچ داعواسينا سوروکله مکده دريدن-قابيقدان چيخانلارا وئريلن مئساژ اولدوقجا آيدين و تک آنلامليدير. بونا باخماياراق بو سويداشلار، يئنه ده اؤز دويغوسال و ايران قهرمانليغي دوشونجه لرينده ال اوزمک ايستمه ييرلر. قيرميزي گئييملي ميلتيميزي، ياشيللار اؤزگه ليگينه رد اول جوابي وئرديگينه گؤره، دانلايان، تجروبه سيز، خيالچي و پاسيو آدلانديران ايران مرکزلي قارداشلاريميزين بو عينادلاري هاچانا قدر اوزون سورسه ده، يئنه ميلتين قوجاغي آچيقدير. هر کسين بونا اينانماسي گره کي ر کي، ميلتيميزين قيرميزي قوجاغي، شيچي-فارسچي عيرقچيلارين ياشيل قوجاغشندان اولدوقجا دوغما، سيجاق و اؤزدور. تکي، بيرليک اولسون. من ديين دئييل، اولوس ديين اولسون.
ياشاسين قيرميزي آذربايجانياشاسين قيرميزي تراختور
یازار: ائلدار قاراداغلی
قایناق: دیرنیش سیته سی
گونده ليک ستاتيستيکلره گؤره، هر گون بو سيته دن ۱۰،۰۰۰-لرجه وطنداش گؤروش ائدير و آنلاين (online) اولاراق ۱۰۰-لرجه چاتلاشير. بوتون قيرميزييا بويانميش بو سيته نين ساغ الينده بير چوخ زامان بو سلوغان فلاش اولاراق گؤزه چارپير ” آذربايجان درد ايچينده بوغولموش! ” آذربايجان ادبياتييلا تانيش اولان هرکس بو سؤزون، سورگون شاعيريميز آلماز ايلديريما آيد اولدوغونو بيلر. سيته يالنيز ايدمانلا اوغراشديغينا گؤره، سيياستله ايشي يوخدور. ساده سؤزله دئسک بو سيته ني يؤنلدنلرين هئچ بيري سيياسال اويونچولوق سرگيسيله اوغراشماييرلار.
اونلارين تکجه آماجي آذربايجان وارليغي نين اينسان توپلومونداکي اولوسال يئريني يوکسلتمکدير. بو سيته نين هم ده، يؤنلنديريجي رولو واردير. بئله کي، تراختور (Tractor) فوتبول تاخيمي نين فاناتيکلري نين وئرديگي شوعاعرلاري دوغرو يؤنتمه يؤنتمک، اونلارين گئييملريني تاخيم حالينه گتيرمک و بيرگلشميش اولوسال داورانيش آخلاغي نين کيمليگيني اولوسوموزا قازانديرماقدير. بو دوغرو توتومون ان آيدين گؤرونتوسونو فوتبول آلئنالاريندا گؤروروک. ايستر تبريز، ايستر باشقا شهرلرده قيرميزي گئييملي فوتبول فاناتلاري نين ” ياشاسين آذربايجان ” يازيلي بايراقلاري نين بير ايلک اولاراق گؤرونتوسو بو ايديعانين ان دانيلماز تانيغيدير. دئمک تراختور فاناتلاري نين اورتايا قويدوغو بير ميللي سيمگه هر گون گئچديکجه آيدينليق قازانير. بو سيمگه نين سيياسال چارپيشماسي يوخدور. بو سيمگه آذربايجانين ميللي اؤرگوتلري طرفيندن اورتايا قويولماديغينا گؤره، منيمسمه داعواسيني آرادان قالديريلير و اونا اولوسال منيمسمه بيچيمي يارادير. بو سيمگه بير ياندان ايسه، بو قوروملارين ميللي اؤلچولريني اورتايا قويان بير سيناق آپاراتي کيمي عمل ائدير.
بئله کي، هانسي قوروم ميلتين سئچنگينه باش اَيير و هانسي قوروم کوتله نين سئچنگينه خور باخير گرچگي ده آز بير زاماندا اؤزونو گؤسترير. بو سيمگه نين يالنيز و يالنيز کوتله ميزه آيد اولدوغونو کيمسه دانا بيلمز. دانانلار چوخ تئز بير آندا ميللي گئييميني اَيينلريندن چيخارماغا محکوم اولماليديرلار. آيريجا، بو، آذربايجان کوتله سي نين اونون اوزرينده ايديعالي اولان ميللي اؤرگوتلره وئرديگي قاچيريلماز بير اميردير. بو سيمگه اؤزونو سئومه يه باشلايان، کيمليگيني آکادئميکسل دئييل، کوتله بيلينجسلليگينده آختارميش اولان ساده، اينانجلي، کؤنوللو، هئچ بير سيياسال گوجه مال اولمايان، دوشمن جبهه سيني ياران دؤزوملو بير خالقين ايراده سيندن دوغان بايراقدير.
کاتالان (Catalonia) ايسپانيانين گوزئي دوغوسونو اولوشدوران بنزر اؤرنکدير. بو بؤلگه تاريخ بويو ايسپانلارين دومينانتليغيندا ياشايان ۸ ميليونلوق بير توپلومدور. زامان-زامان اؤزگورلوک و باغيمسيزليق ديره نيشينده اولان، اؤزوملو کاتالان ميلتي گوتلوي سورگونلره ده معروض قالميشدير. بو اوزدن آوروپادا يئرلشمه سينه رغمن توپلومون ان آزيندان ۱۰%-اي فرانسا، آرگئنتين، کوبا، مئکزيک، آمئريکا، آلمانيا، ايتاليا وب. اؤلکه لره سپلنميشدير. بارسئلونا (Barcelona) ايسپانييا کلونوسوندا اولان بو بؤلگه نين مرکزيدير.
بارسئلونانين فوتبول تاکيمي ۱۸۹۰-اونجو ايللرده تمل آتميش بير ايدمان کلوبودور. بو کلوبون ايلک باشدان قيرميزيلي-ساريلي بايراغي اولموشدور. لاکين کاتالانين آوتونومي بؤلگه اولماسيندان اوزوبري بير نئچه بايراغي اولموشدور. بو بؤلگه، ايسپانييادان آيريليب موستقيل بير اؤلکه اولماق يولوندا دئموکراتيک يؤنتم آلسا دا، مرکز حاکيميتين سرت قارشي دورماسييلا اوز-اوزدير. مرکز دؤولتين پروپاکانتالاريني ائتگيسيز ائتمک اوچون کاتالان يئرلي حاکيميتي نين ان بؤيوک و سارسيلماز ديره نيش مئيداني باسئلونا ماچلاريدير. ماراقلي بوراسيدير کي، کاتالان يئرلي حاکيميتي، ان سون تيتيز بير داورانيشلا اؤز ميللي بايراغيني لغو ائده رک بارسئلونانين بايراغيني بؤلگه سيمگه سي ائلان ائدير. و بئله ليکله، يئرلي حاکيميتله، ميلت آراسيندا اولان ايکيلي بايراق سورونونا سون وئره رک ايستيقلال اوغروندا بؤيوک و چوخ اينجه بير اوغورا ال تاپير. يني، هر بير کاتالان بارسئلونا فوتبول تاکيمي نين فاناتي و هر بير فوتبول فاناتي، اؤز يوردونون فاناتيدير! دئمک، بارسئلونا تاکيمي نين مئيدانلاردا دالغالانان بايراغي بير اولوسون گله جگه آچيلان پنجره سي نين اؤزگورلوک اوداغينا چئوريلميشدير. قيرميزي و ساريدان اولوشان بو بايراغين اوزرينده دئموکراسيا و بارسئلونا سؤزلري يازيلاراق بؤلگه کيمليگيني سرگيله ين بير اولوسال سيمگه اورتايا قويولموش و بير ميللي-سياسي سورجين آناتوموسونو چوخ نئت بير شکيلده آنلاتميشدير.
آذربايجانين تراختورو ايله کاتالانين بارسئلونا فوتبول تاخيملاريني دوشونرکن اورتاق نؤقته لرين نه قدر چوخ اولدوغون گؤز اؤنونه تاخيلير. بؤيوک نسيمي نين ” منده سيغار ايکي جاهان، من بو جاهانا سيغمازام! ” فلسفي روحونو بيراز يوموشادارکن قونوموزو اؤزللشديرمه يه چاليشيرام. تراختور تاکيمي نين فاناتليک سيرالاريندا، عرب کؤکنلي تئکنيک ديرئکتورونون دئديگينه گؤره، ۳۰،۰۰۰،۰۰۰ تورک دايانماقدادير. بو رقمين ايلديريم حيزييلا آرتماسي و داها بؤيوک رقملره اولاشماسي گون کيمي آيديندير. بو، او دئمکدير کي، بو تاخيم ميلت روحونا وارميشدير. بير چوخ حاللاردا گئجه چؤرگينه مؤحتاج اولان تبريزلي، اردبيللي، اورمولو وب. قيرميزي گئييملي و قيرميزي بايراقلي گنجليگيميزين مينلر کيلومئتره وطندن اوزاقلاردا (ايصفهان، اهواز ..) قوجاقلاشماسي نين درينليگينه گئتديکده بو فلسفي آنلامين دا سوموت اولان اوزونو گؤرمک مومکون اولور.
بارسئلونا کاتالانين بيرليک روحودورسا، ندن تراختور آذربايجانين بيرليک روحونا چئوريلمه سين! باشقا بير گرچگي دئديکلريمه علاوه ائديرم: تئهرانين آزادي فوتبول آلئناسيندا آذربايجانين و تورکون ياشاديغي بير چوخ بؤلگه لردن توپلانان ۳۰-مينليک تورک وطنداشين بوزقورد سالاملاشماسي دونيانين بير چوخ نئت سيته لرينده گؤرونتوله نير. تورکچولوگو ايچينده بارينديران بير ميلت اولوشماسي بو دفعه فوتبول آلئناسيندا گؤستريش ياپير. بئله ديرسه، کيم بو گؤستري نين آذربايجان ميللي هرکاتيندان سويوت (ايري-موجررد) اولماسيني، بايبک هرکاتي نين، خورداد آياقلانماسي نين آردي اولماديغيني و يالنيز بير فوتبول ماجراسي اولدوغونو ايره لي سوره بيلر؟ بو، آنا وطن، آذربايجاندان پؤهرنميش بير گونش ايشيغيدير. سياسيلر، يا بو ايشيغا باغلانار ويا دوکان-بازارلاري باغلانار. باشقا يول يوخدور!
بايبک قورولتايلاري نين قارشيسيني ايشغالچي اوردوسويلا کسن فارسچي رئژيمينه آلتيرناتيو اولاراق ميللي-سياسي چاليشقانلارين آرزوسوندا ” آرتيق داغدان شهره اوز توتماق زامانيدير! ” ايستگي نهنگ بير التاپمازا چئوريلميشدير. خورداد هرکاتي بو آرزونون پاتلاماسي نؤقته سينه چئوريلسه ده، ميللي هرکاتين اؤرگوتلنمه ظرفيتيني ده اورتايا قويدو. خورداد هرکاتي رئژيم ساريندان وحشيجه سينه قارشيليقليق گؤردو. اونا سيياسال دون گئيينديرن رئژيمين الينه باهانا دوشدو. آنجاق، ميلتين روحو هئچ ده، تورک دوشمني نين عاغيلينا قولايجا سيغمايان تراختور قيرميزيسيندان پؤهرندي. رئژيم، آذربايجانين ياشيلا بورونمه سيني گؤزلرکن.
آذربايجان، رئژيمين هر ايکي قاناديني خيال قيريقليغينا اوغراتدي. آذربايجان قيرميزي سئچدي! بوگون، آذربايجانين ان سئوديگي بويا قيرميزيدير. بو، اؤزل بير قيرميزيدير. بؤيوک حرفلرله يازيلان بير قيرميزيدير. بو قيرميزي بعضيلريني سئوينديرمه سين. وطنين سئوگيسيني قازانميش بو قيرميزي وطنه آيد اولان بيرليک، چاغداشليق و ديريليک سيمگه سيدير. عئينيله ۱۲۰۰-ايل بوندان اؤنجه عرب ايمپئراتورلوغونا قارشي اؤزگورلوک دليسي اولان قيرميزي بايبه کي لر کيمي، بوگونون ده، تورلو اؤزگه ليکلره سينگرن ” آذربايجان تورک ميلتي نين ” بوياسي قيرميزيدير. آيريجا، بو سئچيم ميللي-سياسي اؤرگوتلريميزين ايچينده کي بايراق دارتيشماسينا دا سون قويان بير گرکسيمدير. عئينيله کاتالاندا اولان سياسي ياريشمالاري اؤز ايچينده يوغوران بارسئلونا بايراغي کيمي تراختور بايراغي دا، ايديعالي بايراقلاري ميلت بيرليگي خئيرينه آنا بايراق دؤردگئنينده بير آرايا توپلاماق گوجونه صاحيبدير.
سؤزسوز کي، آنا بايراق هوکمونده قبول اولان تراختور بايراغي، ميللي اؤرگوتلريميزين سئچديکلري بايراقلارين آرادان قالديرماسي آنلامينا گلممه ليدير. هر اؤرگوت اؤز بايراغييلا چيخيش ائتمک حاقينا ماليکدير. آنجاق، بونو دا باشا دوشمک گره کير کي، توپلومو بيرليگه گؤتورن بوگونون فوتبول، ياري نين ايسه آنا بايراغي بوتون بايراقلاري اؤز اطرافيندا بيرلشديرمه ليدير.
بعضي آوروپا فاسونلارا گؤره، گويا گونئيده ميليونلار اينسانين سيويمليسي اولان قيرميزي بويا، کوممونيزيم سيمگه سيدير. بو سويداشلاريميزين ايديالارينا گؤره، قيرميزي بويا آذربايجان ميللي هرکاتينا آيد اولاماز! بو دوستلارا دئمک گره کي ر کي، گلين، کيچيک قاپساملي باتاقليقلاردا بوغولماياق. گلين، اؤز ماليميزي اؤزگلشديرمه يهک. بايبک بابانيزين قيرميزي گئييملي و قيرميزي بايراقلي اوردوسونون کوممونيزميله نه ايشي اولا بيلردي؟ ويا ۱۵-جي يوزيلليکده ايستانبولون م. فاتيح ساريندان آزاد اولماسييلا قيرميزي بايراغين دالغالانماسيني نئجه کوممونيزمه باغلاماق مومکوندور؟ بو دوستلارا دئمک گره کي ر کي، بللي بير قوروما فاناتليقدانسا ميلته فاناتيک اولماق لازيمدير.
ميلتيميزين سئچيمي نين دوغرو اولدوغونون باشقا يؤنتميني، هم ده آذربايجان ميللي هرکاتي نين آيدينليق جيزگيسي نين بيليميوردلاردان کوتله درينليگينه دوغرو يؤنتم آلماسيدير. ساده آنلاملا دئسک، اوزرلرينده ” ياشاسين آذربايجان ” ، ” ياشاسين تراختور ” سلوغانلاريلا يان-يانا دوزولموش قيرميزي بايراقلارين آنلاميني آيدينليقلا (ياشاسين آذربايجانلا)، کوتله نين (ياشاسين تراختورون) هارمونيک بيرگلشمه سينده گؤرمک گره کي ر. بو دا، او دئمکدير کي، اينديينه دهک چئشيدلي اؤرگوتلرين سوندوقلاري بايراقلار چاتيندا بيرگلشه بيلمه يهن آذربايجان آيدينييلا، آذربايجان کوتله سي قيرميزي بايراق آلتيندا بيرلشمه يه ساري يورومکده دير. سؤزسوز کي، بو سورج آذربايجان ميللي هرکاتي اوچون بير دؤنوش نؤقته سيدير. چوخ ماراقليدير کي، بعضيلرينه گؤره، آذربايجانين قيرميزي سئچيمي مرکزچي ياشيل هرکاتينا قارشي اورتايا آتيلميش بير سيياسال داورانيشدير. بو، اولدوقجا بوش و کئيفيتسيز بير تسبيتدير. بو سئچيمين ياشيللارلا هئچ ايلگيسي يوخدور.
آذربايجان ميللي هرکاتي نين بؤيوک آماجلارييلا ياشيللارين سيياسال حدفلريني عئينيلشديرمک کيملر وريندن اولورسا-اولسون درين جاهيلليگين آيدين اؤرنگيدير. کيمسه، فارسلارين ايچينده دئموکراتييا ساواشي نين ضيدينه دئييلدير. تورک ميلتي بوتون تاريخ بويو اؤزونه اؤزل دئموکراتييا ياشاتان بير وارليق اولموش و اؤزو ده بو يؤنتمين ان آغير قوربانيسي اولموشدور. ۱۰۰-ايلليک تاريخين شهادتينه گؤره، ايران آدلانان دؤولتين قورولماسيندا، قورونماسيندا و تورک دؤولتچيليگيني فارسلارا آغا پايي کيمي حدييه وئرمه سينده ان بؤيوک سوچلو تورکلر اؤزلري اولموشدور. بوگون، بابالاريميزدان نسيليميزه پاي قالان بو آجي نين سونلانماسيني ايسته ين بير بؤيوک آياقلانما اورتادادير. سؤزسوز کي، ميللي سورونو باشقا سوسيال-سيياسال ايدئولوژيلر دؤردگئنينده آختارانلار اوچون اولوسال آياقلانمانين آنلامي بيراز ايدراکسيز اولا بيلر. آنجاق بورادا سؤز قونوسو چوخ درينلردن گئتمير.
سادجه بير ميلتين اؤلوم-ديريم ساواشي سؤز قونوسودور. بونو آنلاماغا نه وار کي! آذربايجان تورک ميلتينين ايراده سي شيچي-فارسچي رئژيمين ايچ داعواسيندان يانا دئييلدير. اؤز ظولمه اوغراميش ميلتي نين لايک، چاغداش، موستقيل و اؤزگورلشميش ميللي اينانجيني فارسچي رئژيمين ايچ داعواسينا سوروکله مکده دريدن-قابيقدان چيخانلارا وئريلن مئساژ اولدوقجا آيدين و تک آنلامليدير. بونا باخماياراق بو سويداشلار، يئنه ده اؤز دويغوسال و ايران قهرمانليغي دوشونجه لرينده ال اوزمک ايستمه ييرلر. قيرميزي گئييملي ميلتيميزي، ياشيللار اؤزگه ليگينه رد اول جوابي وئرديگينه گؤره، دانلايان، تجروبه سيز، خيالچي و پاسيو آدلانديران ايران مرکزلي قارداشلاريميزين بو عينادلاري هاچانا قدر اوزون سورسه ده، يئنه ميلتين قوجاغي آچيقدير. هر کسين بونا اينانماسي گره کي ر کي، ميلتيميزين قيرميزي قوجاغي، شيچي-فارسچي عيرقچيلارين ياشيل قوجاغشندان اولدوقجا دوغما، سيجاق و اؤزدور. تکي، بيرليک اولسون. من ديين دئييل، اولوس ديين اولسون.
ياشاسين قيرميزي آذربايجانياشاسين قيرميزي تراختور
یازار: ائلدار قاراداغلی
قایناق: دیرنیش سیته سی
